Los aucèls un patrimòni fragil de preservar

Tèma de l’annada 2022-2023

Ongan, trabalharem suls aucèls
Los aucèls constituïsson rapòrt a lor diversitat, un tèma pluridisplinari que nos va permetre d’abordar d’activitats variadas dins mantunes domenis lengatge escrich e oral, artistica, descobèrta del monde, univèrs sonòr…
Aquestes animals son pròches de nosautres, quitament en vila e nos va balhar la possibilitat :
– de descobrir la complexitat e la riquessa de l’environa pròcha     – de despèrtar la curiositat e lo questionament de cadun
– de sensibilizar als foncionaments ecologics e de la biòdiversitat 
– d’aver un comportament ciutadan e de balhar los mejans d’accion a cadun per protegir o al mens de degradar pas l’environa a l’entorn de se 

– de prene consciéncia de l’existéncia d’una biodiversitat dins la vila

– de decobrir diferentas espècias d’aucèls en observacion directa o a travers de documents, libres, imagièrs, films… e qualques elements de lors mòdes de vida (veire programacion annala dels aucèls de descobrir).

3 contes de Michel Ocelot al cinemà

Dimars 31 de genièr, anèrem al cinemà amb  la classa d’Olivièr e de Francesa.

Vegèrem 3 contes de Michel Ocelot.

Aqueles contes se debanam a 3 epòcas diferentas : 

– « Lo Faraon » (Egipte antica)

–  » Lo Bèl Sauvatge » (Edat Mejana)

–  » Lo vendeire de bonhetas e la princessa de las ròsas » ( XVIIIème sègle)

Foguèt un polit moment ont viatgèrem dins lo temps, dins de mondes mirgalhats de color !

La B.D sus Molière

Lo dimars 15 de novembre, Alain D’Amato nos venguèt presentar la benda
dessenha sus Molière que faguèt. Nos expliquèt cossi se fargava tecnicament una
B.D : nos parlèt del trabalh dels dessenhaires, de la mesa en forma de la maqueta e
de la comercialisacion de l’òbra. Èra tròp plan.

Anaé Billaud,

Mila Devillers e Phoebe Ricoul.

La classa a Mosset

Partiguèrem 4 jorns dins  Pirenèus amb una classa dels Falabreguièrs.

Martà nos faguèt descobrir un molonàs de causas e tot en catalan.

Faguèrem de passejadas, l’una al ras d’un besal que mena al vilatge de Mosset.

Bastiguèrem de cabanas, èran totas diversas e polidas.

Los repaisses èran fòrça bons, subretot los dejunets.

Sigi nos aprenguèt de mots d’alemand.

La darnièra serada dancèrem amb l’acordeon de Claudia e Martà nos contèt la legenda de la bruèisha, nos faguèt paur.

Quina bona setmana, espòrt, jòcs, golardisas e … paur !                               

La classa CE1 e CE2

Las catarinetas

Dimars 10 de mai, reçaupèrem las larvas de catarinetas a l’escòla.

Ne mandèron 100 perque lo nombre de mortalitat es enauçat (« élevé »).

Las catarinetas seràn rojas amb 2 ponches negres. Se sonan « Adelia Bipunctata ».

Las larvas arribèron dins 2 boitas, mescladas amb de pop corn (lo pop corn lor permet de se protegir).

Avèm mes las larvas dins 3 boitas lopas. Cada 3 jorns, lor avèm donat d’uòus de parpalhòls per las noirir.

Las larvas cambian de pel 3 còps, puèi venon de babas (« nymphes »). Enfin, venon de catarinetas.

Lo divendres 20 de mai, quina suspresa ! Las 16 primièras catarinetas son arribadas.

Las avèm desliuradas dins lo jardin de l’escòla. Se van noirir de nierons (« pucerons).

Diluns 23 de mai, encara una suspresa ! Aqueste còp, 22 catarinetas nos esperavan en classa.

Las avèm tanben mesas dins lo jardin. Quine plaser !

La classa GS/CP

Animacion musica al CIRDOC

Dijòus 17 de febrièr, anèrem al CIRDOC per una animacion musica.

Jordan nos presentèt mantuns instruments tradicionals.

Los instruments son faches amb de caravenas (« roseau »), de bois (« buis »), de pèl de cabra…

Atal, Jordan joguèt de la flaüta, de la bodega, del pifre, de l’aubòi…

Foguèt un moment cultural ric, agradiu, viu !

Un plaser !

Un grand-mercé a Jordan per aquesta intervencion

Classa de Sofia

GS-CP

Lo grop de musica, CM

Un matin anèrem al CIRDOC escotar lo grop Saraï. Es constituit de 3 musicians, un òme que jòga de violon, una femna
que jòga d’acordeon e una tresena amb un instrument de percussion (amb de còrdas). Jògan de musicas inspiradas dels
cants tradicionals occitans mas s’inspiran tanben de musicas internacionalas. A la fin de la representacion, nos faguèron
ensajar los instruments, èra tròp plan !
Naël Rousseau e Islem Dargal

L’abelhièr, CM

Un divendres d’octòbre, un abelhièr vengèt a l’escòla per nos parlar de son mestièr. Nos mostrèt de pollèn, de
propolis e d’autres produches que trapam dins un brusc. Nos aprenguèt de diferenciar las abelhas de las vèspas e de
reconéisser la reina. L’abelhièr faguèt ensajar la « vareuse », qu’es son vestit de trabalh, a un enfant de la classa. Nos
expliquèt tanben cossi las abelhas fan per retrobar las flors dins los prats.

Enzo Taurines, Titoan Meneau-Ruf e Eli Martinez-Lee.

Domeni de Bayssan

Divendres 1er d’octòbre, anèrem al domeni de Bayssan.

Es un luòc fòrça agradiu e fòrça polit !

Prenguèrem lo carri amb los correspondents. Vegèrem un espectacle de mariòtas : 

« J’ai tellement de choses à te dire ». 

Una polida istòria de transmission d’amor e de sabers entre una mamà e son enfant.

Enfant que vendrà lèu adult.

E que, a son torn, ajudarà un aucèl a s’armar de coratge e de fisança per aprene de volar.