Tèma de l’annada 2022-2023

Ongan, trabalharem suls aucèls

Los aucèls constituïsson rapòrt a lor diversitat, un tèma pluridisplinari que nos va permetre d’abordar d’activitats variadas dins mantunes domenis lengatge escrich e oral, artistica, descobèrta del monde, univèrs sonòr…

Aquestes animals son pròches de nosautres, quitament en vila e nos va balhar la possibilitat :

– de descobrir la complexitat e la riquessa de l’environa pròcha     – de despèrtar la curiositat e lo questionament de cadun

– de sensibilizar als foncionaments ecologics e de la biòdiversitat 

– d’aver un comportament ciutadan e de balhar los mejans d’accion a cadun per protegir o al mens de degradar pas l’environa a l’entorn de se 

– de prene consciéncia de l’existéncia d’una biodiversitat dins la vila

– de decobrir diferentas espècias d’aucèls en observacion directa o a travers de documents, libres, imagièrs, films… e qualques elements de lors mòdes de vida (veire programacion annala dels aucèls de descobrir).

En mai de la succession dels moments de la jornada, dels jorns de la setmana, dels meses, dels anniversaris festejats, dels eveniments…

Ongan, las sasons ritman, mai particularament lo trabalh de la nòstra classa.

Los enfants remarcan las particularitats, los cambiaments especifics en observam d’animals , de fruchas, de paisatges emblematics de las 4 sasons.

• 

• 

• 

• 

Pels enfants, parlar de las sasons es comprene tanben que segon los meses, manjam pas las meteissas fruchas o legums, que nos vestissèm pas parièr, fasèm pas las meteissas activitats…

• 

• 

• 

Aqueste projèct pòt permetre als enfants, de se sensibilizar a la natura e a son environa.
Mièlhs conèisser es tanben mièlhs protegir.
“Leitmotive” que tòrna dins los diferents projècts de classa d’empuèi qualquas annadas.
Mas, lo respect de la natura se pòt pas aprene en un jorn, gaire ben en una annada. Lo processús se pòt donc accionar tre la pichòta seccion encara e encara.

Dins la tradicion occitana, es pas lo Paire Nadal que porta los presents, mas una soca !

La soca arribèt dins la nòstra escòla, lo darrièr divendres avant las vacanças.
Grands e pichons l’aculhiguèron amb un cant de Nadal e un estrambòrd non escondut.
L’esperavan dempuèi un brave moment!
Amb un grand ceremonial, l’ainat e lo mai pichon, seguit per l’escòla tota, portèron la soca cap a la sala de la fèsta.
Ornèran la soca, la faguèron polida.
Los enfants doblidèran pas de prononçar la formula magica.
“Bota fuoc, cacha fuòc, que nos allegre e nos faga la gracia de veire l’an que ven. E que sèm pas mai, que siam pas mens.”.

De presents apareguèron.

Se regalèron amb los pastissons e broquetas de fruchas qu’aprèstèron la velha.

Un plan polida Nadal 2019 !

 

Ongan, descobrirem l’Africa per conèisser l’existéncia d’autras civilisacions et d’autras culturas.

Tot lo long de l’annada se sensibilizaremal mòde de vida african.
Farem l’experiénça de diférentas formas d’expression artisticas. Descobrirem d’espacis mens familars (paîsages), d’animals representatius de la fauna africana …

Aqueste vast projècte se debanarà tot lo long de l’annada escolara.

Desiri que al delà d’alarguir e d’enriquir lo camp cultural de cada mainatge, qu’aqueste trabalh pòsca permetre a cadun de se dobrir al mond e a la diférencia.

La regenta: Cati Sabatier

 

Comentaris per las fotos

Vaqui, los primièrs animals dintrats dins la nòstra classa :

Çò que sabèm ara sus los elefants:

 

Mars grandas e mars
projècte annada 2018-2019

Perquè la causida d’aqueste tèma ?

Las mars e las mars grandas que cobrisson 71% de la susfàcia de la tèrra son essencialas per l’umanitat.
Gràcias a la preséncia dels vegetals marins, la mar granda libera mai d’oxigèn dins l’atmosfèra que totas las forèts del monde.
La mar granda jòga un ròtle fondamental dins la regulacion del climat e dins l’equilibre social, economic e environamental dins totes los païs del monde.
Dependem donc cadun sus aquesta planèta de la mar quitament se vivèm mai o mens aluènhar del bòrd de mar.
Aprèp aquestes constats me pareisià important ongan de trabalhar sus aquesta tèma per començar de sensibilizar los enfants al mitan marin.

 

(Coma vivèm pròcha de la mar s’apuèjarem d’autan mai sul viscut dels enfants, lors representacions, lors coneissencias inicialas.)

 

Objectius generals

Lo projèct permetrà als escolans :

• de descobrir qualques caracteristicas d’un mitan natural
• de descobrir la fauna e la flòra d’aqueste mitan amb l’ajuda de documentacions escrichas , audio e video
• d’acquesir de coneissénças e de comportaments sus aqueste mitan
• del ponch de vista : environamental, social e economic
• de mièls coneisser l’environament per mièls lo protegir
• de prene consiéncia de l’impact de l’òme sus lo mitan marin
• de favorizar de comportamants responsables per los ajudar a devenir un jorn, un ciutadan capable de s’implicar dins la proteccion e lo desvelopament durable.

 

 

Aurem los pes dins l’aiga l’annada tota , per aquò me pareis judiciós de se pausar aquesta primièra question: L’aiga qu’es aquò?