Anèrem al CIRDOC per veire una mòstra sus las fotografias. Èrem desseparats en dos grops. Las dònas nos presentèron diferentas fòtos. I aviá de fòtos de personas, d’animals, d’arbres… Ensagèrem de veire los messatges que los fotografs cercavan de far passar pel biais de lors òbras.
Matias Marhuenda e Islem Dargal
Lo dimars 15 de novembre, Alain D’Amato nos venguèt presentar la benda
dessenha sus Molière que faguèt. Nos expliquèt cossi se fargava tecnicament una
B.D : nos parlèt del trabalh dels dessenhaires, de la mesa en forma de la maqueta e
de la comercialisacion de l’òbra. Èra tròp plan.
Anaé Billaud,
Mila Devillers e Phoebe Ricoul.
Un matin anèrem al CIRDOC escotar lo grop Saraï. Es constituit de 3 musicians, un òme que jòga de violon, una femna
que jòga d’acordeon e una tresena amb un instrument de percussion (amb de còrdas). Jògan de musicas inspiradas dels
cants tradicionals occitans mas s’inspiran tanben de musicas internacionalas. A la fin de la representacion, nos faguèron
ensajar los instruments, èra tròp plan !
Naël Rousseau e Islem Dargal
Un divendres d’octòbre, un abelhièr vengèt a l’escòla per nos parlar de son mestièr. Nos mostrèt de pollèn, de
propolis e d’autres produches que trapam dins un brusc. Nos aprenguèt de diferenciar las abelhas de las vèspas e de
reconéisser la reina. L’abelhièr faguèt ensajar la « vareuse », qu’es son vestit de trabalh, a un enfant de la classa. Nos
expliquèt tanben cossi las abelhas fan per retrobar las flors dins los prats.
Enzo Taurines, Titoan Meneau-Ruf e Eli Martinez-Lee.
Coma la mediatèca pòt pas reçaupre de classas per causa de Covid 19, avèm seguit l’animacion « Rire et sourire » prepausada per la M.A.M en visioconferéncia. Èrem en contacte amb l’animatritz pel biais d’un sit internet, la vesiam sus l’ordenador e sus l’ecran gigant a l’uncòp. La dòna nos legiguèt tres istòrias e aguèrem un escambi en seguida. Èra original e fòrça plan !
Una dòna venguèt en classa per nos far trabalhar suls aucèls. Avèm començat per descriure d’unes aucèls e ne sortir lors caracteristicas pròprias. En seguida, gaitèrem un diaporamà sus la mesenga. Ara avèm un nis per mesenga que devèm installar dins la cort.
D’unes enfants de la classa prepausan de talhièrs d’arts visualas en classa. Se fan lo divendres de matin. Los enfants demandan en conselh de far un talhièr per la classa e validam la demanda totes amassa. Ongan, avèm ja fach un marca-pagina, una man de Nadal e un objècte per ornar lo sap de Nadal. E d’autres son a s’aprestar !!
Emile Saux-Pardo, Lou-Ann Michel, Camille Benech, Nils Brousseaud e Cloé Sablier.
Dempuèi la dintrada de las vacanças de Totsants e fins a las vacanças de Nadal, seguissèm una iniciacion al rugbi amb d’educators de l’escòla de rugbi dels Cheminots.
Cada dijòus de matin, Alex nos fa faire d’alenaments de passas. Aprèp, fasèm de còlas de cinc o sièis e devèm marcar d’ensages.
Aprèp los talhièrs, fasèm un rendut-compte e per acabar fasèm una partida ;
Alexis Oustry. Sasha Dias, Ugo Cornic e Nils Brousseuad.
Amb la classas de Sofia, anèrem passar la jornada en cò de Soliméa e Domenge-Antòni, al domèni de La Gougasse.
Marcel e Véronique, los parents, nos faguèron visitar las vinhas, puèi la cava. Lo papà nos expliquèt cossí se fasiá lo vin. Aprenguèrem las diferéncias entre la vinificacion del vin roge, del vin blanc e del vin rosat.
Soliméa Iché e Eloïse Genieys.
Dins l’encastre de la setmana de la premsa, anèrem al CIRDOC, per participar a l’animacion sonada « Reportaires en èrba ».
Èrem desrepartits en grops per far las activitats. De’n primièr, observèrem de jornals, per veire cossi èran bastits.
En segonda partida de l’activitat, cada còla farguèt son jornal. Causiguèrem lo titol, lo prètz… Escriguèrem l’editorial e los articles qu’ illustrèrem amb de fòtos presas pels animators del CIRDOC.
Qualques jorns aprèp, cada còla presentèt son jornal a la classa.
Louann Collyn e Mathilde Pontello.
