Rendètz-vous en Agde lo 4 de mai per la 3ena Passejada Literària
La Calandreta d’Agde (34) organiza cada annada un prèmi literari que convida los joves lectors a votar per l’obratge qu’aiman mièlhs entre una seleccion d’òbras en occitan. Aital, es una jurada de mai de 1 000 joves lectors que balhan aquel “Prèmi literari Calandreta”. La proclamacion de las resultas es l’escasença per una granda jornada de fèsta, de rencontre amb los autors e d’escambis a l’entorn del plaser de legir : la Passejada literària. Ongan, son prèp de 500 escolans (23 classas) que son esperats per rencontrar 15 autors !
Passejada literària 2017 organizada per la Calandreta Dagtenca from CIRDÒC on Vimeo.